عبداللہ قریشی کا موسیقی چھوڑنے کے بعد عمرے کا سفر تصاویر وائرل
سابق گلوکار نے اب اپنی اہلیہ سعدیہ سبحان کے ساتھ عمرے کیلئے مکہ کا سفر کیا ہے
شوبز انڈسٹری چھوڑنے والے معروف گلوکار عبداللہ قریشی نے عمرے کی سعادت حاصل کی ہے۔
عبداللہ قریشی نے حال ہی میں میوزک انڈسٹری کو خیرباد کہنے کا اعلان کیا تھا اور اس کی وجہ انہوں نے اسلام کی طرف اپنی رغبت کو قرار دیا تھا۔
گلوکار نے لکھا تھا کہ میں میوزک انڈسٹری چھوڑ رہا ہو اور یہ فیصلہ صرف اور صرف مذہبی وجوہات کے باعث کیا ہے۔
انہوں نے مزید لکھا تھا کہ میرے نزدیک زندگی کا اصل مقصد اس سے کہیں بڑھ کر ہے۔ اپنی اگلی زندگی سنوارنے کے لیے ہم سب کے پاس اس دنیا میں بہت کم وقت ہے۔ الحمداللّٰہ میں اپنے فیصلے سے مطمئن ہوں اور بہتری کی راہ پر گامزن ہوتے ہوئے سچ کھوج رہا ہوں۔ دعا ہے کہ یہ نیا سفر اللّٰہ میرے لیے آسان کرے۔
گلوکار نے عزم کا اظہار کیا تھا کہ اب وہ کسی کنسرٹ میں پرفارم نہیں کریں گے اور نہ ہی کبھی کسی اشتہار میں کام کریں گے۔
سابق گلوکار نے اب اپنی اہلیہ سعدیہ سبحان کے ساتھ عمرے کیلئے مکہ کا سفر کیا ہے اور انہوں نے اس سفر کی تصاویر بھی شیئر کی ہیں۔
گلوکار کی طرف سے میوزک انڈسٹری کو چھوڑنے کے بعد یہ ان کا عمرے کیلئے پہلا سفر ہے۔
عبداللہ قریشی پہلے گلوکار یا فنکار نہیں جس نے دین اسلام کی خاطر اپنا فنی سفر ختم کردیا ہو، ان سے پہلے جنید جمشید مرحوم، رابی پیرزادہ، نور بخاری، سارہ چوہدری اور بھارتی اداکارہ ثنا خان سمیت کئی فنکار شوبز انڈسٹری کو چھوڑ ہیں۔