ورلڈکپ جیتنے کا خواب لیکر آئے تھے لیکن ہر خواب پورا نہیں ہوتا نسیم شاہ

ابتدائی دو میچز میں شکستوں کا سب کو دکھ ہوا، فاسٹ بولر

Sports Reporter November 02, 2022

(فوٹو: ٹوئٹر) ابتدائی دو میچز میں شکستوں کا سب کو دکھ ہوا، فاسٹ بولر

قومی کرکٹ ٹیم کے فاسٹ بولر نسیم شاہ کا کہنا ہے کہ جنوبی افریقہ کیخلاف میچ جیتنے کی بھرپور کوشش کریں گے۔

سڈنی میں میڈیا سے بات کرتے ہوئے پیسر نے کہا کہ ابتدائی دو میچز میں شکستوں کا سب کو دکھ ہوا، بہرحال اب آگے کی طرف دیکھنا ہوگا، جو نصیب میں ہوا مل جائے گا۔ ورلڈکپ میں سب ٹیمیں ہی جیت کا خواب لے کر آتی ہیں، گرین شرٹس نے بھی سوچا تھا کہ اچھی کارکردگی دکھائیں گے مگر سارے خواب پورے نہیں ہوتے۔

مزید پڑھیں: ٹی20 ورلڈکپ؛ جنوبی افریقہ کیخلاف میچ سے قبل ہی پاکستان کو بڑا دھچکا

انھوں نے کہا کہ بھارت سے شکست کے بعد ٹیم کا مورال بہت نیچے چلے جانے کا تاثر درست نہیں، ہر کھلاڑی نے پوری کوشش کی لیکن کامیابی نہیں ملی۔ہماری پوری توجہ اب جنوبی افریقہ کے خلاف میچ پر ہے۔

مزید پڑھیں: ٹی20 ورلڈکپ؛ بابر، رضوان کو جلد آؤٹ کرکے فائدہ اُٹھانے کی کوشش کریں گے، ڈیوڈ ملر

دوسری جانب قومی ٹیم سپر 12 مرحلے کے اپنے چوتھے میچ میں کل جنوبی افریقہ کے خلاف میدان میں اُترے گی۔

قبل ازیں قومی ٹیم کی ایونٹ کے سیمی فائنل میں پہنچنے کے امکانات نہ ہونے کے برابر ہیں تاہم جنوبی افریقہ کے خلاف لازمی فتح درکار ہے، جنوبی افریقہ نے اپنے گزشتہ میچ میں بھارت کو شکست دی تھی۔