کوہلی اگر پاکستان آئے تو مداحوں کا پیار دیکھ کر پاگل ہوجائیں گے فرحان سعید
گلوکار فرحان سعید کا کہنا ہے کہ بھارتی ٹیم کو پاکستان آنا چاہیے
گلوکار فرحان سعید کا کہنا ہے کہ بھارتی کرکٹر ویرات کوہلی اور ٹیم کو پاکستان آنا چاہیے، کوہلی پاکستانی مداحوں کا اپنے لیے پیار دیکھ کر پاگل ہوجائیں گے۔
اپنی نئی فلم 'ٹچ بٹن' کی پروموشن کے دوران ایک انٹرویو میں بات کرت ہوئے فرحان سعید نے کہا ہے کہ بھارتی کرکٹ ٹیم کو ایشیاکپ کے لیے پاکستان ضرور آنا چاہیے۔
ان کا کہنا تھا کہ یہ پہلی بار نہیں ہوا کہ بھارتی بورڈ نے پاکستان آنے سے منع کیا ہو، ایسا پہلے بھی ہو چکا ہے، بطور کرکٹ فین بھارت کے اس بیان سے میرا دل دُکھا ہے۔
انہوں نے بتایا کہ بھارت میں دہلی میں ان کے بہت سے دوست ہیں جن کے ساتھ میں بھارت میں رہتا ہوں اور لگائی گئی پابندیوں کی وجہ سے کئی سال سے بھارت جاکر ان سے ملاقات نہیں کر سکے ہیں۔
فرحان سعید نے دعویٰ کیا کہ بھارتی ٹیم پاکستا ن آئے تو دیکھے کہ کیسا میلا لگے گاجب کرکٹ فین ہوٹلوں کی لابیز میں، ہوٹلوں کے باہر بھارتی ٹیم سے ملنے کیلئے اکھٹے ہوں گے۔
انہوں نے کہا کہ ویرات کوہلی یہ دیکھ کر پاگل ہو جائے گا کہ اُسے بھارت سے زیادہ پیار تو پاکستان میں مل رہا ہے۔
فرحان سعید کے انٹرویو کی یہ کلپ سوشل میڈیا پر خوب وائرل ہو رہی ہے اور سوشل میڈیا صارفین کا کہنا ہے کہ سیاسی مسائل سے ہٹ کر یہ حقیقیت ہے کہ پاکستانی شائقین ویرات کوہلی کے مداح ہیں۔