سابق وزیراعظم اور مسلم لیگ ن کے قائد نواز شریف نے چیئرمین پی ٹی آئی عمران خان پر حملے کی مذمت کی ہے۔ انہوں نے ٹویٹر پر ایک بیان میں کہا کہ میں عمران خان اور ان کے ساتھیوں پر فائرنگ کی مذمت کرتا ہوں اور زخمیوں کی صحت یابی کے لیے دعا گو ہوں۔
مریم نے کہا کہ 'عمران خان پر فائرنگ کی مذمت کرتی ہوں اور ان سمیت تمام زخمیوں کی صحت کیلئے اللّہ تعالی سے دعاگو ہوں۔'
آصف زرداری
سابق صدر اور پاکستان پیپلزپارٹی کے شریک چیئرمین آصف علی زرداری نے عمران خان پر ہونے والے حملے کی شدید الفاظ میں مذمت کرتے ہوئے کہا ہے کہ واقعہ کی مکمل تحقیقات کرائی جائیں۔ انہوں نے عمران خان اور دیگر زخمیوں کی جلد صحت یابی کے لیے دعا بھی کی۔
چوہدری شجاعت حسین
پاکستان مسلم لیگ ق کے سربراہ اور سابق وزیر اعظم چوہدری شجاعت حسین ، وفاقی وزیر چوہدری سالک حسین اور چوہدری شافع حسین کی عمران خان پر حملے کی مذمت کی۔
مزید پڑھیں: اللہ کا شکر ہے کہ دشمن کے مذموم عزائم ناکام ہوئے، وزیراعلیٰ پنجاب
وزیر خارجہ بلاول بھٹو زرداری نے بھی عمران خان پر حملے کی شدید الفاظ میں مذمت کی اور کہا کہ عمران خان کی جلدصحت یابی کیلئے دعاگو ہوں۔