پاکستانی شوبز ستاروں کی عمران خان پر قاتلانہ حملے کی شدید مذمت
فوٹو: فائل
اداکار شان شاہد نے عمران خان کی تصویر شیئر کرتے ہوئے ان کی سلامتی کے لیے دعا کی اور ساتھ ہی لکھا کہ خدا ان کا مددگار ہوگا۔
اداکار عثمان خالد بٹ نے واقعے کی مذمت کرتے ہوئے عمران خان اور فیصل جاوید خان سمیت دیگر کی سلامتی کے لیے دعائیں کیں اور لکھا کہ اس طرح کے واقعات ملک کو انارکی کی طرف دھکیل رہے ہیں۔
Prayers with Imran Khan, Faisal Javed and the entire PTI convoy.
Had the worst happened (Nauzubillah), this country would have gone into a state of anarchy.
وینا ملک نے بھی فائرنگ کے واقعے پر اظہار افسوس کرتے ہوئے ٹوئٹ کی کہ 'خان کے لوگوں نے خان کو گھیر کر خان کی جان بچائی، یہ گولیاں خان پر نہیں 22 کروڑ عوام کے دل پر چلی ہیں'۔
خان کے لوگوں نے خان کو گھیر کر خان کی جان بچائی
یہ گولیاں خان پر نہیں 22 کروڑ عوام کے دل پر چلی ھیں ۰۰۰
اداکار و میزبان فخر عالم نے بھی فائرنگ کے واقعے کو افسوس ناک قرار دیتے ہوئے ملک کی حفاظت اور سلامتی کے لیے بھی دعا کی۔
ارسلان نصیر نے واقعے کو عمران خان کو قتل کرنے کی سازش قرار دیتے ہوئے لکھا کہ پی ٹی آئی چیئرمین فائرنگ کے دوران زخمی ہوگئے۔
Assassination attempt on Imran Khan! Heard he is safe but injured. May Allah keep him, his companions & the protestors safe
انہوں نے سابق وزیر اعظم سمیت فائرنگ سے زخمی ہونے والے دیگر افراد کی جلد صحت یابی کے لیے دعا بھی کی۔