محکمہ تعلیم سندھ نے گھوسٹ اساتذہ اور ملازمین کو نوکری سے برطرف کردیا

فوٹو فائل

---

محکمہ تعلیم سندھ نے 8 ماہ سے غیر حاضر سرکاری اسکولوں کے اساتذہ اور ملازمین کو نوکری سے برطرف کردیا۔

ایکسپریس نیوز کے مطابق محکمہ تعلیم نے 8 ماہ سے مستقبل غیر حاضر اساتذہ اور ملازمین کیخلاف بڑا ایکشن لیتے ہوئے 79 ملازمین کو برطرف کرنے کا فیصلہ کیا ہے۔

محکمہ تعلیم کی جانب سے گھوسٹ ملازمین کی جاری کردہ فہرست کے مطابق 79 ملازمین کو معطل کیا گیا جبکہ گھوسٹ ملازمین میں 8 ہائر اسکول ٹیچرز، 8 جونیئر اسکول ٹیچرز ، دس پرائمری ٹیچرز، 4 سندھی ٹیچرز، 2 ہیڈ ماسٹرسمیت غیر تدریسی عملہ جس میں اسکول کے کلرک، آفس اسسٹنٹ اور پیون شامل ہیں۔

تمام ملازمین کا تعلق کراچی کے مختلف سرکاری اسکولوں سے ہے، ملازمین اسکول نہیں جاتے تھے اور گھر بیٹھے تنخواہ وصول کر رہے تھے۔