اہم تعیناتی سے قبل عمران خان پرحملہ سنگین سازش کی کڑی ہے شیخ رشید

پی ڈی ایم سیاسی طور پر دفن ہوگئی ہے، شیخ رشید:فوٹو:فائل

---

عوامی مسلم لیگ کے سربراہ شیخ رشید کا کہنا ہے کہ اہم تعیناتی سے قبل پی ٹی آئی چئیرمین عمران خان پر حملہ سنگین ترین سازش کی کڑی ہے۔

شیخ رشید نے ٹوئٹر پربیان میں کہا کہ عمران خان پر قاتلانہ حملہ غیر ملکی اور مقامی سازش ہے۔ایک ملزم سے فوری بیان دلوانا اور باقیوں کو فرار کروانا سوالیہ نشان ہے۔ عمران خان پرحملہ کرنےوالے ایک سے زیادہ اور منظم سازش کےآلہ کار تھے۔اگر عمران خان کو کچھ ہوجاتا تو پاکستان ہی نہیں خطےکی سیاست بھی بدل جاتی۔

شیخ رشید کا مزید کہنا تھا کہ پی ڈی ایم سیاسی طور پر دفن ہوگئی ہے۔ قانون کے دائرے میں رہتے ہوئے اپنا حق لیں گے۔اسلام آبادکو گونتا موبےجیل بنادیاگیاہے۔جو جیل ہمارے لیے کل بنائی ہے اس میں انہوں نےاور 77 وزرا نے رہنا ہے۔