سپریم کورٹ میں پی ٹی آئی کے منحرف ارکان کی ڈی سیٹنگ فیصلے کیخلاف اپیلیں سماعت کے لیے مقرر کردی گئیں۔

سپریم کورٹ کے چیف جسٹس کی سربراہی میں تین رکنی بینچ 9 نومبر کو اپیلوں کی سماعت کرے گا۔ الیکشن کمیشن نے عمران خان کی جانب سے دائر کیے گئے ریفرنس پر پی ٹی آئی کے 25 ارکان کو ڈی سیٹ کیا تھا۔

پی ٹی آئی کے منحرف ارکان نے وزیراعلیٰ پنجاب کے الیکشن میں پاکستان مسلم لیگ (ن) کے امیدوار حمزہ شہباز کو ووٹ دیا تھا۔ منحرف ارکان نے الیکشن کمیشن کا فیصلہ سپریم کورٹ میں چیلنج کیا تھا۔