اعظم سواتی کے ساتھ ریاست نے جوکیا وہ اقدار کی پامالی ہے عمران خان

پورے پاکستان کی طرف سے اعظم سواتی کی تہجد گزار اہلیہ سے معافی مانگتا ہوں، عمران خان

ویب ڈیسک November 05, 2022

چیف جسٹس آف پاکستان اعظم سواتی کے واقعہ کا از خود نوٹس لیں،عمران خان:فوٹو:فائل

پاکستان تحریک انصاف( پی ٹی آئی) کے چئیرمین عمران خان کا کہنا ہے کہ اعظم سواتی کے ساتھ ریاست نے جوکیا وہ تمام اقدار کی پامالی ہے۔

عمران خان نے ٹوئٹر پر پیغام میں کہا کہ پاکستان چادر اور چار دیواری کے تقدس، اقدار کی پاسداری اورخاندانی وقار وعزت کے تقدس کے لیے وجود میں آیا تھا۔

Pakistan was created on Islamic moral values of human dignity, honour of the family & inviolability of chadar & chardawari. What has happened to Azam Swati at the hands of the State has been a blatant violation of all these values - from being stripped naked to custodial torture
— Imran Khan (@ImranKhanPTI) November 5, 2022

عمران خان نے مزید کہا کہ ریاست کے ہاتھوں جو کچھ اعظم سواتی کے ساتھ ہوا وہ تمام اقدار کی پامالی ہے۔ اعظم سواتی کی اہلیہ کی ویڈیو سامنے آنا انتہائی قابل مذمت اور صدمے کا باعث ہے۔

مزید پڑھیں: میری اور بیوی کی ذاتی ویڈیوز نامعلوم نمبر سے بیٹی کو بھیجی گئیں، اعظم سواتی

دعا ہے کسی کو بھی ایسی صورتحال کا سامنا نہ کرنا پڑے۔ چیف جسٹس آف پاکستان اس واقعہ کا ازخود نوٹس لیں۔ انہوں نے کہا میں پورے پاکستان کی جانب سے اعظم سواتی کی تہجد گزار اہلیہ کو پہنچنے والے صدمے اور تکلیف پر معافی مانگتا ہوں۔