ٹی 20 ورلڈ کپ کا ایک اور بڑا اپ سیٹ جنوبی افریقا کو نیدرلینڈز کے ہاتھوں شکست
نیدرلینڈز نے 4 وکٹوں کے نقصان پر 158 رنز بنائے، جواب میں جنوبی افریقا 8 وکٹوں کے نقصان پر 145 رنز بنا سکی
نیدرلینڈز نے جنوبی افریقا کو 13 رنز سے شکست دے کر ٹی 20 ورلڈ کپ کا ایک اور بڑا اپ سیٹ کردیا۔
ایڈیلیڈ اوول کرکٹ گراؤنڈ میں کھیلے گئے میچ میں ٹی 20 ورلڈ کپ کا ایک اور بڑا اپ سیٹ ہو گیا، جنوبی افریقا کو نیدرلینڈز کے ہاتھوں شکست ہوئی ہے۔
پہلے بیٹنگ کرتے ہوئے نیدرلینڈز نے 4 وکٹوں کے نقصان پر 158 رنز بنائے، ہدف کے تعاقب میں جنوبی افریقہ کا کوئی بلےباز خاطر خواہ کارکردگی دکھانے میں کامیاب نہ ہوسکا اور پروٹیز کو 13 رنز سے ناکامی کا منہ دیکھنا پڑا۔