ٹی20 ورلڈکپ شکیب الحسن کا آؤٹ متنازع بن گیا

ٹوئٹر صارفین نے امپائر کا فیصلہ غیر جانبدارانہ قرار دیا

ویب ڈیسک November 06, 2022

ٹوئٹر صارفین نے امپائر کا فیصلہ غیر جانبدارانہ قرار دیا (فوٹو: ایکسپریس نیوز)

ٹی20 ورلڈکپ کے اہم میچ میں بنگلہ دیشی کپتان شکیب الحسن کا آؤٹ متنازع بن گیا۔

ایڈیلیڈ میں کھیلے جارہے پاکستان اور بنگلہ دیش کے میچ میں بنگال ٹائیگرز کے کپتان شکیب الحسن کو شاداب خان نے ایل بی ڈبلیو آؤٹ کیا تو امپائر نے انہیں آؤٹ قرار دیا۔

اس موقع پر شکیب الحسن نے ری ویو لیا تاہم تھرڈ امپائر نے بھی انہیں آؤٹ قرار دیا جبکہ سماجی رابطے کی سائٹ پر شائقین کا کہنا ہے کہ امپائرز نے غیر جانبدارانہ فیصلہ دیا۔

مزید پڑھیں: ٹی20 ورلڈکپ؛ دو متنازع نوبالز، امپائر ایک، ٹیمیں پاکستان اور بنگلہ دیش

قبل ازیں بھارت کے خلاف میچ میں بھی کپتان شکیب الحسن بارش سے متاثرہ میچ میں امپائرز کے فیصلے پر شدید تنقید کی تھی۔

دوسری جانب دونوں ٹیموں کے مابین مقابلہ جاری ہے، فتح سمیٹنے والی ٹیم سیمی فائنل میں کوالیفائی کر جائے گی جبکہ شکست ایونٹ سے باہر کردے گی۔