لانگ مارچ کے اعلان کے ساتھ ہی سندھ پولیس اور ایف سی کی نفری واپس اسلام آباد طلب

چیئرمین پی ٹی آئی عمران خان کی جانب سے 8 نومبر کو لانگ مارچ کا آغاز کیے جانے کے اعلان کے بعد سندھ پولیس اور ایف سی کی نفری بھی واپس اسلام آباد طلب کی جا رہی ہے۔

تفصیلات کے مطابق پولیس کی جانب سے معذرت کی گئی کہ آئندہ دو ہفتوں میں عوام کو اسلام آباد میں ممکنہ مشکلات کا سامنا ہوسکتا ہے۔ پولیس کے مطابق متوقع امن عامہ کے پیش نظر عوام کو رکاوٹیں درپیش آسکتی ہیں۔

مزیدپڑھیں: منگل کو وہیں سے لانگ مارچ شروع کریں گے جہاں معظم شہید ہوا، عمران خان


پولیس کے مطابق تاحال اسلام آباد کے تمام راستے آمدورفت کے لیے کھلے ہیں، عوام سے گذارش ہے کہ اسلام آباد کیپیٹل پولیس سے تعاون کریں۔

واضح رہے کہ وزیر آباد میں عمران خان پر قاتلانہ حملے کے بعد وہ زخمی ہوگئے تھے دوران علاج انہوں نے ویڈیو پیغام دیا کہ صحتیاب ہونے تک مارچ ملتوی کیا جارہا ہے۔

اب عمران خان نے اعلان کیا کہ 8 نومبر سے ملتوی ہونے والا لانگ مارچ دوبارہ شروع ہوگیا۔