ملائیشیا کے شہر ایپوہ میں سلطان اذلان شاہ ہاکی کپ میں پاکستان نے مصر کو ایک کے مقابلے میں چار گول سے ہرادیا۔

پاکستان کی جانب سے 12ویں منٹ میں پینلٹی کارنر کے ذریعے رانا عبدالوحید نے، 26 ویں منٹ میں محمد سفیان نے ، 39ویں میں ارشد لیاقت نے جبکہ 44ویں منٹ میں محمد سفیان نے اپنا دوسرا گول پینلٹی کارنر کے ذریعے اسکور کیا۔

مصر کی جانب سے واحد گول 50ویں منٹ میں محمد راغب نے اسکور کیا۔ پاکستان تیسری و چوتھی پوزیشن کا میچ 9 نومبر کو پاکستانی وقت کے مطابق 5:15 بجے کھیلے گا۔