فوٹو فائل
ایکسپریس نیوز کے مطابق وزیراعلیٰ سندھ مراد علی شاہ سے ایم کیو ایم پاکستان کے کنوینر خالد مقبول صدیقی نے وفد کے ہمراہ ملاقات کی، جس میں گورنر سندھ کامران ٹیسوری سمیت وفاقی وزیر فیصل سبزواری، خواجہ اظہار الحسن، سابق وفاقی وزیر قانون فروغ نسیم اور سابق میئر کراچی وسیم اختر شامل تھے جب کہ وزیراعلیٰ سندھ کے ساتھ صوبائی وزراء سعید غنی ، شرجیل میمن، وقار مہدی اور مرتضیٰ وہاب شامل تھے۔
ملاقات میں ایم کیو ایم اور پیپلز پارٹی کےدرمیان ورکنگ رلیشن شپ کو مزید بہتر کرنے پر اتفاق کیا گیا، اجلاس میں کراچی کے ترقیاتی منصوبوں اور شدید بارشوں سے متاثر انفراسٹرکچر کی تعمر نو پر بھی بات چیت کی گئی۔
اجلاس میں دونوں جماعتوں نے شہر کے مسائل ترجیحی بنیادوں پر حل کرنے پر اتفاق کیا جب کہ ایم کیو ایم اور پیپلزپارٹی کے درمیان ہونے والے معاہدے پر عملدرآمد کو یقینی بنانے پر تفصیلی گفتگو کی گئی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔