حملے میں نامزد شخصیات کیخلاف ثبوت کا سوال عمران خان کا جواب دینے سے گریز

عمران خان نے ثبوت کے سوال کے جواب میں حملے کا پس منظر بتایا

ویب ڈیسک November 08, 2022

اینکر کے متعدد بار پوچھنے پر بھی عمران خان نے ثبوت سے متعلق نہیں بتایا:فوٹو:اسکرین گریب

پاکستان تحریک انصاف(پی ٹی آئی ) کے چئیرمین عمران خان نےامریکی ٹی وی کو انٹرویو میں حملے میں نامزد شخصیات کیخلاف ثبوت کے سوال کا جواب دینے سے گریز کیا۔

امریکی ٹی وی چینل سی این این کی اینکر نے حملے میں نامزد شخصیات کے خلاف عمران خان سے ثبوت شئیر کرنے کا سوال کیا تو عمران خان نے حملے کا پس منظر بتانا شروع کردیا۔

ImranKhan took name of journalist @waqarsatti on CNN blaming him of tweeting a video leading to plot of attacking him.@BeckyCNN asked for evidence of allegations, Khan stood glued to ‘what he says is right’
During IK era Pak was 157th on World PressFreedom Index of 180 countries pic.twitter.com/Jx7mdmz5GK
— Mudassar Saeed (@mudsays) November 7, 2022

اینکر نے عمران خان سے متعدد بار پوچھا کہ آپ حملے سے متعلق جن افراد پر الزام عائد کررہے ہیں اس کے کیا شواہد ہیں تو جواب میں عمران خان واقعات کا پس منظربتاتے رہے۔ اینکر نے مزیدکہا کہ بصد احترام پس منظر معلوم ہے آپ شواہد کے بارے میں بتائیں لیکن عمران خان نے الزامات سے متعلق ثبوت کا کوئی جواب نہیں دیا۔