بزرگ خاتون پی ٹی آئی رہنما اور مظاہرین پر برس پڑیں

ویڈیو سوشل میڈیا پر تیزی سے وائرل ہورہی ہے (فوٹو: ٹوئٹر)

---

پاکستان تحریک انصاف (پی ٹی آئی) کی جانب سے مری روڈ پر مظاہرے سے شہری پریشان ہوکر رہ گئے۔

ایکسپریس نیوز کے مطابق مری روڈ پر احتجاج کے لیے جمع ہوئے پی ٹی آئی رہنما فیاض الحسن چوہان اور دیگر مظاہرین پر بزرگ خاتون برس پڑیں۔

متاثرہ خاتون نے کہا کہ 3 گھنٹوں سے پھنسی ہوئی ہوں کوئی پوچھنے والا نہیں، کبھی مذہبی اور کبھی سیاسی جماعتیں روڈ بند کردیتی ہیں جس کے باعث شہریوں کو اذیت سے دوچار ہونا پڑتا ہے، خاتون نے سوال اٹھایا کہ کیا یہ ملک ان لوگوں کے لیے بنا ہے۔

دوسری جانب خاتون کی ویڈیو سوشل میڈیا پر تیزی سے وائرل ہورہی ہے جس میں متعدد صارفین پی ٹی آئی ورکرز کے احتجاج پر غصہ میں نظر آرہے ہیں۔

مری روڈ پر تحریک انصاف کا احتجاج

راستے بند ہونے پربزرگ خاتون کا فیاض الحسن چوہان پر برس پڑیں

فیاض الحسن چوہان کھانے میں مصروف رہے

2 گھنٹوں سے سڑکوں پر ذلیل ہورہی ہوں راستے بند ہیں ، بزرگ خاتون

خاتون احتجاج کے دوران روتی رہی pic.twitter.com/reMAaqb5ci

— fahadaltaf (@fahadaltaf3) November 8, 2022