کوئیک اسٹائل کی شازیہ منظور کے گانے پر ڈانس کی ویڈیو وائرل
شازیہ منظور کے 22 سال پرانے گانے پر کوئیک اسٹائل کی ڈانس پرفارمنس وائرل ہوگئی
مشہور ڈانس گروپ کوئیک اسٹائل کی پاکستانی گلوکارہ شازیہ منظور کے گانے پر ڈانس کی ویڈیو وائرل ہوگئی۔
کوئیک اسٹائل ڈانسرز نے اپنے آفیشل انسٹاگرام اکاؤنٹ پر ایک نئی ویڈیو شیئر کی ہے جس میں اس مرتبہ انہوں نے پاکستانی گلوکارہ شازیہ منظور کے گانے بتیاں بجھائی رکھ دی اور امریکن میوزیکل بینڈ بلیک آئیڈ پیس کے گانے بے بوٹ کے ریمکس کا انتخاب کیا۔
ساتھ ہی انہوں نے اپنے مداحوں اوردنیا بھر میں موجود ڈانسرز کو اس ری مکس ٹریک پر ڈانس موو کا چیلینچ بھی دیا۔
یاد رہے کہ اس ڈانس گروپ نے بالی ووڈ گانے کالا چشمہ کے ایک خاص ڈانس اسٹیپ کو سوشل میڈیا پر اپلوڈ کیا تھا جس کے بعد کالا چشمہ اور کوئیک اسٹائل سوشل میڈیا پر ٹرینڈ کرنے لگا تھا کوئیک اسٹائل کے انہیں منفرد ڈانس اسٹیپس کی وجہ سے انیں دنیا بھر میں بھرپور مقبولیت حاصل ہوئی۔
اب کوئیک اسٹائل جس بھی گانے کا انتخاب کر کے اس پر ڈانس کرتے ہیں وہ سوشل میڈیا کے مختلف پلیٹ فارمز پر ٹرینڈز میں شامل ہوجاتا ہے اب سے کچھ دن قبل اس گروپ نے بلوچی گلوکار وہاب بگٹی کے گانے کنا یاری پر بھی پرفارم کیا تھا جبکہ دبئی میں ان سے ملاقات بھی کی تھی۔