قومی ٹیم کی فتح پر شوبز ستاروں کی مبارک باد
پاکستان نے نیوزی لینڈ کو 7 وکٹوں سے شکست دے فائنل میں جگہ پکی کر لی
ٹی 20 ورلڈ کپ میں نیوزی لینڈ کو شکست دے کر پاکستان کے فائنل میں پہنچنے کے بعد شوبز ستارے خوشی سے پھولے نہیں سما رہے۔
گلوکار عاصم اظہر نے ٹوئٹر پر پاکستان کی فتح پر جشن منانے کی ویڈیو شیئر کرتے ہوئے کہنا تھا کہ پاکستان فائنل میں پہنچ گیا۔ تقریباً ناک آؤٹ ہونے سے فائنل میں پہنچنے والی پہلی ٹیم تک، الحمد للہ۔
اداکارہ ماورہ حسین نے بھی ٹوئٹر پر پاکستان کی فتح پر شکرانے کا ٹوئٹ کیا۔
گلوکارہ آئمہ بیگ نے انسٹاگرام اسٹوری پر میچ کی تصاویر شیئر کرتے ہوئے کہا کہ ہم نے کر دِکھایا۔ پاکستان نے نیوزی لینڈ کو شکست دے دی، فائنل کے لیے کوالیفائی کر لیا۔
واضح رہے پاکستان نے سڈںی میں کھیلے گئے ٹی 20 ورلڈ کپ کے پہلے سیمی فائنل میں نیوزی لینڈ کو 7 وکٹوں سے شکست دے فائنل میں جگہ پکی کی ہے۔