عمران خان معجزانہ طور پر بچ گئے لیکن خطرہ ٹلا نہیں شیخ رشید

آرمی چیف کی تعیناتی پر لندن میں استخارہ نکلوایا جا رہا ہے (فوٹو فائل)

---

عوامی مسلم لیگ کے سربراہ شیخ رشید احمد نے کہا ہے کہ عمران خان معجزانہ طور پر بچ گئے لیکن خطرہ ابھی ٹلا نہیں ہے۔

 

حمودارحمان کمیشن کی رپورٹ مل سکتی ہےارشدشریف کی پوسٹ مارٹم رپورٹ نہیں عدلیہ بخوبی جانتی ہےکہ ان سےملک نہیں چل رہاعمران خان معجزانہ طور پہ بچ گئےلیکن خطرہ ٹلا نہیں معشیت تباہ زرمبادلہ کےذخائرکم نہ گیس نہ پٹرول تو سرمایہ کاری خاک ہوگی اب مولانا فضل الرحمن کومذہبی کارڈکےلیےآگےکیاہے

- Sheikh Rashid Ahmed (@ShkhRasheed) November 11, 2022

سماجی رابطوں کی ویب سائٹ ٹوئٹر پر جاری بیان میں انہوں نے کہا کہ بے اختیار اور فارغ وزراعظم ایمرجنسی میں4 دن سے لندن بیٹھا ہے۔ آرمی چیف کی تعیناتی پر لندن میں استخارہ نکلوایا جا رہا ہے۔

انہوں نے کہا کہ بزدل اور مفرورنواز شریف پاسپورٹ ملنے اور بھائی کے وزراعظم بننے کے باوجود بھی کلین چٹ کا منتظر ہے۔حکومتی اتحاد پر تنقید کرتے ہوئے انہوں نے کہا کہ پی ڈی ایم کٹی ہوئی پتنگ ہے۔ انہوں نے کہا کہ 20 دن ٹی وی نہیں ٹوئٹر پرنظر آؤں گا۔

سابق وزیر داخلہ کا کہنا تھا کہ حمود الرحمن کمیشن کی رپورٹ مل سکتی ہےارشدشریف کی پوسٹ مارٹم رپورٹ نہیں ۔ عدلیہ بخوبی جانتی ہےکہ ان سےملک نہیں چل رہا۔ عمران خان معجزانہ طور پہ بچ گئےلیکن خطرہ ٹلا نہیں۔

شیخ رشید نے کہا کہ معیشت تباہ، زرمبادلہ کےذخائرکم، نہ گیس نہ پٹرول، تو سرمایہ کاری خاک ہوگی۔ اب مولانا فضل الرحمن کومذہبی کارڈکےلیےآگےکیاہے۔