کراچی اتحاد ٹاؤن میں شوہر کی فائرنگ سے ساس قتل بیوی زخمی

2 افراد کو حراست میں لے کر واقعے کی تحقیقات کا آغاز کر دیا ہے، پولیس۔ فوٹو: فائل

---

NEW HAVEN: بلدیہ ٹاؤن کے علاقے اتحاد ٹاؤن میں شوہر نے فائرنگ کر کے ساس کو قتل اور بیوی کو زخمی کر دیا۔

ایکسپریس نیوز کے مطابق پولیس حکام کا کہنا ہے بلدیہ ٹاؤن کے علاقے اتحاد ٹاؤن میں نیشنل چوک کے قریب شوہر نے اندھا دھند فائرنگ کر کے اپنی 60 سالہ ساس شادانہ کو قتل اور 18سالہ بیوی کو زخمی کر دیا۔ امدادی ٹیموں کے اہلکاروں نے فائرنگ سے جاں بحق اور زخمی ہونے والی دونوں خواتین کو سول اسپتال منتقل کیا۔

پولیس کا کہنا ہے کہ2 افراد کو حراست میں لے کر واقعے کی تحقیقات کا آغاز کر دیا ہے۔