ٹی20 ورلڈکپ فائنل سابق کرکٹرز کی قومی ٹیم کیلئے دعائیں

شاہد آفریدی، سعید انور اور وقار یونس نے پاکستانی ٹیم کا حوصلہ بڑھایا

ویب ڈیسک November 13, 2022

شاہد آفریدی، سعید انور اور وقار یونس نے پاکستانی ٹیم کا حوصلہ بڑھایا (فوٹو: کرک انفو)

ٹی20 ورلڈکپ فائنل سے قبل قومی ٹیم کے سابق کرکٹرز، صحافی اور پاکستان میں مقیم برطانوی ہائی کمشنر نے دلچسپ ٹوئٹ کرکے پاکستان کو سپورٹ کرنا شروع کردیا۔

میلبرن کرکٹ گراؤنڈ میں آج پاکستان اور انگلینڈ کی ٹیمیں فائنل میں ایک دوسرے کے مدمقابل آئیں گی، جہاں میچ سے قبل قومی ٹیم کے سابق کرکٹرز نے اپنی ٹیم کا حوصلہ بڑھایا ہے وہیں برطانوی ہائی کمشنر کرسچن ٹرنر اور ڈپلومیٹس بھی پُر جوش دکھائی دے رہے ہیں۔

سابق کرکٹر شاہد آفریدی نے سال 2009 میں ورلڈکپ جیتنے والی ٹیم کی تصاویر شیئر کرتے ہوئے لکھا کہ ''یہ دن ہماری قوم کے دل میں ایک خاص مقام رکھتا ہے، موجودہ ٹیم نے آنے والے وقتوں کے لیے پوری قوم اور اپنے لیے ایک اور موقع پیدا کیا ہے، میری خواہش ہے کہ ایک بہترین فائٹ کریں''۔

https://twitter.com/SAfridiOfficial/status/1591665326873538561

قومی ٹیم کے سابق ہیڈکوچ وقار یونس نے کپتان بابراعظم اور ٹیم کی تصویر پوسٹ کرتے ہوئے لکھا کہ' آپ لوگ پہلے ہی قوم کے دل جیت چکے ہیں، چلیں اور تاریخ دہرائیں، میری دعائیں اور نیک خواہشات آپکے ساتھ ہیں'۔

You guys have already Won the Hearts of The Nation🇵🇰. Let’s go and repeat the History. Lots Prayers🤲🏻 and Best Wishes. #PakistanZindabad🇵🇰#T20WorldCupFinal #PAKvsEng @TheRealPCB pic.twitter.com/hmUhtm7US0
— Waqar Younis (@waqyounis99) November 13, 2022

جارح مزاج اوپنر سعید انور نے سابق کپتان عمران خان اور بابراعظم کی فوٹو شیئر کرتے ہوئے لکھا کہ ''انشاء اللہ تاریخ اپنے آپ کو دہرائے گی، گرین کیپس میں ملبوس کرکٹر آج ٹرافی اٹھائیں گے''۔

InshahAllah history will repeat itself. Cmon boys in green bring the cup home.🏆🇵🇰 #PAKvENG #T20WorldCupFinal pic.twitter.com/7nlomoLl6z
— Saeed Anwar (@ImSaeedAnwar) November 13, 2022

دوسری جانب برطانوی ہائی کمشنر کرسچن ٹرنر نے ایک ویڈیو شیئر کرتے ہوئے لکھا کہ 30 سال بعد کرکٹ کی دو بہترین ٹیموں کا فائنل، میرا دل انگلینڈ کے ساتھ ہے لیکن اگر پاکستان وہی کرتا ہے جو انہوں نے 1992 میں کیا تھا تو مجھے دل دل گانا پڑ سکتا ہے۔

30 Saal baad Cricket ki 2 behtreen teams ka final. Very excited! I am Dil Dil 🏴󠁧󠁢󠁥󠁮󠁧󠁿 but if Pakistan do what they did in 1992, then I might have to sing Dil Dil 🇵🇰. Acha khelna!#EkSaathForCricket #ENGvsPAK #T20WorldCupFinal pic.twitter.com/LEGlItQ5X2
— Christian Turner (@CTurnerFCDO) November 13, 2022