امریکی فضائیہ کے ایئرشو میں طیارے آپس میں ٹکرا گئے ہولناک ویڈیو وائرل

یہ طیارے فوجیوں کے دن پر ایئرشو میں حصہ لے رہے تھے، فوٹو: ٹوئٹر

---

امریکی شہر ڈیلاس میں یادگاری ایئر شو کے دوران جنگ عظیم دوم کے دو فوجی طیارے آپس میں ٹکرا کر تباہ ہوگئے جس میں 6 افراد کے ہلاک ہونے کا خدشہ ہے۔

امریکی نشریاتی ادارے کے مطابق ڈیلاس ایگزیکیٹو ایئرپورٹ پر فوجی دن کی مناسبت سے یادگاری ایئر شو رکھا گیا تھا جس میں دوسری عالمی جنگ کے طیاروں نے فضائی کرتب کا مظاہرہ کیا۔

اس دوران دو طیارے بوئنگ بی-17 اور بیل پی-63 کنگ کوبرا فضا میں آپس میں ٹکرا گئے۔ جس کے نتیجے میں ایک طیارے کے دونوں بازو ٹوٹ گئے اور وہ ہچکولے کھاتے ہوئے زمین بوس ہوگیا جب کہ دوسرا طیارہ مکمل طور پر تباہ ہوگیا۔

#BREAKING: New angle of the mid-air collision obtained by @WFAA shows B-17 and other aircraft flying formations at #WingsOverDallas at 1:21p today, when it was hit by a P-63 and fell to the ground over the airfield at Dallas Executive Airport (RBD). pic.twitter.com/6NAS93b3re

— Jason Whitely (@JasonWhitely) November 12, 2022

دوسرے طیارے میں گرنے کے بعد خوفناک آگ بھڑک اُٹھی۔ حادثے میں 6 افراد کے ہلاک ہوگئے لیکن سرکاری سطح پر اس کی تصدیق نہیں کی گئی۔ الائیڈ پائلٹس نے حادثے میں اپنے دو سابق پائلٹس کی ہلاکت کی تصدیق کی جو طیارے میں بطور کریو ممبر موجود تھے۔

حادثے کی ویڈیو وائرل ہوگئی جس میں دیکھا جا سکتا ہے کہ کئی طیارے فضا میں پرواز کر رہے ہیں اور ایک طیارہ موڑ کاٹ رہا ہے جس کے عقب سے آنے والا طیارہ اس سے ٹکرا جاتا ہے۔

تباہ ہونے والے طیارے سی اے ایف نامی این جی او کی ملکیت ہیں جو ایسے 180 طیارے رکھتی ہے اور ملک بھر میں ایئر شو کا انتظام بھی کرتی ہے۔

این جی او کا کہنے کا ہے کہ حادثے کا شکار ہونے والے طیاروں کوتربیت یافتہ یا سابق فوجی پائلٹس نہیں بلکہ رضاکار اُڑا رہے تھے۔

We are saddened to report that former APA members CA Terry Barker and CA Len Root were among the crewmembers lost on B-17 Flying Fortress during the Wings Over Dallas airshow today. Our hearts go out to their families, friends, and colleagues past and present.

— Allied Pilots (@AlliedPilots) November 13, 2022

این جی او نے اپنے بیان میں یہہ بھی کہا کہ تباہ ہونے والے طیارے قدیم ضرور تھے لیکن ان میں کوئی فنی یا تکنیکی خرابی نہیں تھی۔ انھیں مکمل طور پر جانچ پڑتال کے بعد شو میں بھیجا گیا تھا۔