پتوکی میں 5ماہ قبل ڈکیتی کے دوران باپ کے سامنے روڈ پر 14سالہ بچی سے زیادتی کرنے والے ملزم کو گرفتار کرلیا گیا۔

واقعہ کا سابق وزیراعلیٰ پنجاب حمزہ شہباز نے بھی نوٹس لیا تھا۔ تھانہ صدر پتوکی پولیس نے ملزم شان عرف شانی کو گرفتار کرلیا۔

پولیس کے مطابق ملزم کا ڈی این اے بھی میچ کرگیا، ملزم کا دوسرا ساتھی تاحال فرار ہے جس کی گرفتاری کے لیے پولیس چھاپے مار رہی ہے۔ ملزمان کی گرفتاری کے لیے حساس اداروں سمیت تقریباً 15 ٹیمیں تشکیل دی گئیں تھیں مگر ملزمان کا کوئی سراغ نہ لگا۔

قصور میں نئے ڈی پی او تعینات ہونے والے عمران کرامت نے ملزمان کا سراغ لگانے میں بھرپور کردار ادا کیا۔ متاثرہ بچی کے والد نے بھی ملزم کی گرفتاری کی تصدیق کر دی۔