مسلم لیگ ق اور پی ٹی آئی کا مضبوط اتحادی کے طور پر آگے بڑھنے کا فیصلہ

مسلم لیگ ق اور پی ٹی آئی نے مضبوط اتحادی کے طور پر آگے بڑھنے کا فیصلہ کیا ہے۔

 


عمران خان نے سابق وفاقی وزیر مونس الہی سے اپنی رہائش گاہ پر ہونے والی ملاقات میں لانگ مارچ کی سیکیورٹی، سیاسی صورت حال، وزیرآباد واقعے اور جے آئی ٹی سمیت مختلف امور پر تبادلہ خیال کیا۔

چئیرمین پی ٹی آئی کا کہنا تھا کہ پی ٹی آئی کا واحد مطالبہ اور خواہش ملک میں فوری اور شفاف انتخابات ہیں، حقیقی آزادی کی منزل اب زیادہ دور نہیں ہے، ہم نے مشکل سفر طے کرلیا ہے۔

مسلم لیگ (ق) کے رہنما اور سابق وفاقی وزیر مونس الہیٰ نے کہا کہ دونوں جماعتیں مل کر سازشوں کو ناکام بنائیں گی اور مضبوط اتحادی کے طور پر آگے بڑھیں گی جبکہ مستقبل میں رابطے بھی برقرار رکھے جائیں گے،پوری قوم عمران خان کے ساتھ کھڑی ہے۔