شہری سے لوٹ مار کرنے والے 2 ڈاکو پولیس مقابلے میں ہلاک
ڈاکو شہری سے لوٹ مار کر کے فرار ہورہے تھے تو پولیس کو دیکھ کر فائرنگ کی، جوابی فائرنگ میں دونوں مارے گئے
(فوٹو فائل)
تیموریہ پولیس نے نارتھ ناظم آباد میں ٹو کے بس اسٹاپ کے قریب مبینہ پولیس مقابلے میں 2 ڈاکوؤں کو ہلاک کر دیا۔
اس حوالے سے ایس ایس پی سینٹرل رانا معروف عثمان نے بتایا کہ موٹر سائیکل سوار 2 ڈاکو شہری سے لوٹ مار کے بعد فرار ہو رہے تھے کہ اس دوران علاقہ گشت پر مامور پولیس موبائل موقع پر پہنچ گئی جنھیں شہری نے واردات کے حوالے سے بتایا۔
پولیس نے ڈاکوؤں کا تعاقب کیا تو انھوں ںے پولیس کو دیکھ کر فائرنگ شروع کر دی تاہم پولیس کی جوابی فائرنگ میں دونوں ڈاکو مارے گئے جبکہ ان کے قبضے سے شہری سے چھینا گیا موبائل فون اور پرس کے علاوہ اسلحہ ، گولیاں اور موٹر سائیکل برآمد ہوئی ہے جسے پولیس نے قبضے میں لے لیا۔
انہوں نے بتایا کہ تیموریہ پولیس متاثرہ شہری کی مدعیت میں واقعہ کا مقدمہ درج کر رہی ہے جبکہ مقابلے میں مارے گئے دونوں ڈاکوؤں کی فوری طور پر شناخت نہیں ہو سکی اور ان کی لاشیں ضابطے کی کارروائی کے لیے عباسی شہید اسپتال منتقل کردی گئیں ہیں۔
اس حوالے سے ایس ایس پی سینٹرل رانا معروف عثمان نے بتایا کہ موٹر سائیکل سوار 2 ڈاکو شہری سے لوٹ مار کے بعد فرار ہو رہے تھے کہ اس دوران علاقہ گشت پر مامور پولیس موبائل موقع پر پہنچ گئی جنھیں شہری نے واردات کے حوالے سے بتایا۔
پولیس نے ڈاکوؤں کا تعاقب کیا تو انھوں ںے پولیس کو دیکھ کر فائرنگ شروع کر دی تاہم پولیس کی جوابی فائرنگ میں دونوں ڈاکو مارے گئے جبکہ ان کے قبضے سے شہری سے چھینا گیا موبائل فون اور پرس کے علاوہ اسلحہ ، گولیاں اور موٹر سائیکل برآمد ہوئی ہے جسے پولیس نے قبضے میں لے لیا۔
انہوں نے بتایا کہ تیموریہ پولیس متاثرہ شہری کی مدعیت میں واقعہ کا مقدمہ درج کر رہی ہے جبکہ مقابلے میں مارے گئے دونوں ڈاکوؤں کی فوری طور پر شناخت نہیں ہو سکی اور ان کی لاشیں ضابطے کی کارروائی کے لیے عباسی شہید اسپتال منتقل کردی گئیں ہیں۔