لاہور حساس ادارے کے جعلی انسپکٹر سمیت 2 ملزمان گرفتار
دوران گرفتاری ملزمان نے پولیس پارٹی کے ساتھ مزاحمت کی
چوکی پھلروان پولیس نے حساس ادارے کے جعلی انسپکٹر سمیت 2 ملزمان گرفتار کر لیے۔
پولیس کے مطابق ملزمان میں محسن خان اور عدیل حسین شامل ہیں، دوران اسنیپ چیکنگ ملزمان کو روکنے کا اشارہ کیا لیکن ملزمان نے گاڑی کو تیز کیا اور بھاگنے کی کوشش کی۔
پولیس نے تعاقب کر کے ملزمان کو اسلحہ سمیت گرفتار کر لیا، دوران گرفتاری ملزمان نے پولیس پارٹی کے ساتھ مزاحمت کی اور دھمکیاں دی۔
ملزمان سے راٸفل اور گولیاں برآمد کرلی گئیں جبکہ مقدمہ درج کرکے مزید تحقیقات جاری ہیں۔