چنیوٹ میں ضلع امیر جماعت اسلامی پر تشدد کا مقدمہ ڈی ایس پی کیخلاف درج

ملزمان نے موبائل چھین لیا اور ڈی ایس پی تشدد کی ویڈیو بناتا رہا۔

---

پولیس نے جماعت اسلامی کے ضلعی امیر چوہدری محمد اسلام پر تشدد کا مقدمہ اپنے ڈی ایس پی کیخلاف درج کرلیا۔

تھانہ سٹی پولیس نے ڈی ایس پی لیگل شیر افضل سمیت تین نامزد اور 15 نامعلوم افراد کیخلاف مقدمہ درج کیا۔

ایف آئی آر کے متن کے مطابق ملزمان نے امیر جماعت اسلامی چوہدری اسلام کو ختم نبوت چوک میں روک کر تشدد کا نشانہ بنایا۔ ملزمان نے موبائل چھین لیا اور ڈی ایس پی تشدد کی ویڈیو بناتا رہا۔

جماعت اسلامی کی صوبائی قیادت نے مقدمہ میں نامزد ملزمان کی فوری گرفتاری کا مطالبہ کیا ہے۔ صدر یوتھ ونگ پنجاب جبران بٹ نے کہا کہ ملزمان کو نشان عبرت بنانا ہوگا ورنہ دما دم مست قلندر ہوگا۔

امیر جماعت اسلامی پنجاب جاوید قصوری نے پریس کانفرنس میں کہا کہ پنجاب جرائم کی آماجگاہ بن چکا ، ڈکیتیاں چوری اور قتل و غارتگری عام ہوچکی، پولیس کا عوام کے ساتھ رویہ غیر انسانی ہے اور عوام کی جان و مال و عزتیں غیر محفوظ ہیں۔

#dpochiniot_imranmalik#igpolice امیر جماعتِ اسلامی ضلع چنیوٹ چوہدری محمد اسلام پر پولیس تشدد کے ذمہ دار ڈی پی او چنیوٹ عمران ملک اور ڈی ایس پی افضل شیر کالرو کو اگر اگلے 24 گھنٹوں میں معطل کر کے ان کے خلاف مقدمہ درج نہ کیا گیا تو آئی جی پنجاب کے دفتر کا گھیراؤ کریں گے۔ pic.twitter.com/2fgZOzrQzq

— قاسم ریاض (@qasimriaz897) November 17, 2022