بھارتی پنجابی فلموں کی ’ہیما مالنی‘ چل بسیں

اداکارہ دلجیت کور کے انتقال پر بالی وڈ کی شخصیات نے دکھ کا اظہار کیا:فوٹو:فائل

---

بھارت کی پنجابی فلم انڈسٹری میں ہیما مالنی کے نام سے مشہور اداکارہ دلجیت کور انتقال کر گئیں۔

بھارتی میڈیا رپورٹس کے مطابق 69 سالہ اداکارہ دلجیت کور بھارتی پنجاب کی فلم انڈسٹری میں ہیما مالنی کے نام سے مشہورتھیں۔ ان کی مشہور فلموں میں داغ، پت جٹاں دے، روپ شکیناں دا، لاجو، ویری جٹ اور جگا ڈاکو سمیت دیگر فلمیں شامل ہیں۔

پنجابی اداکار نیرو باجوہ نے سوشل میڈیا کے ذریعے دلجیت کور کے انتقال کی تصدیق کرتے ہوئے گہرے دکھ کا اظہار کیا۔

مشہور بھارتی گلوکار میکا سنگھ نے اداکارہ دلجیت کور کے انتقال پر گہرے دکھ کا اظہار کرتے ہوئے کہا کہ بہت ہی خوبصورت اداکارہ اور لیجنڈ آف پنجاب ہمیں اداس چھوڑ گئیں۔