اقوام متحدہ کے ادارے کا ’’انڈس لیونگ‘‘ منصوبے کے کام کا آغاز

پاکستان حیاتیات سے مالا مال،تمام اسٹیک ہولڈرزکوکردار ادا کرنے کی ضرورت، فلورنس

Zulfiqar Baig November 19, 2022

ادارہ برائے خوراک و زراعت نمائندہ Rolle Florence کا ریڈیو پاکستان کا دورہ۔ فوٹو: فائل

اقوام متحدہ کا ادارہ برائے خوراک و زراعت حکومت پاکستان کے ساتھ مل کر دریائے سندھ کے علاقے کو ماحولیاتی آلودگی سے بچانے کے ایک منصوبے 'لیونگ انڈس' پرکام کا آغاز کردیا۔

تنظیم کی نمائندہ رول فلورینس نے ریڈیوپاکستان کے دورہ کے موقع پر گفتگوکے دوران کہا کہ دریائے سندھ کے علاقے،انسانی زندگیوں اور ملک کی کثیرجہتی میں اہم کردار ہے جس میں لوگوں کی سماجی ، اقتصادی اور ثقافتی سرگرمیاں شامل ہیں۔

اقوام متحدہ کے ادارہ برائے خوراک کی نمائندہ نے کہا کہ پاکستان حیاتیاتی تنوع سے مالا مال ہے اور تمام اسٹیک ہولڈرز کو اس کے تحفظ کے لیے اپنا کردار ادا کرنے کی ضرورت ہے۔

انہوں نے ملک میں پانی اور زمینی وسائل کے تحفظ کے لیے ٹھوس اقدامات پر زور دیا۔زراعت کے شعبے میں تحقیق کی اہمیت کو اجاگر کرتے ہوئے، ایف اے او کی نمائندے نے کارکردگی اور پیداواری صلاحیت کو بڑھانے کے لیے زرعی شعبے میں اصلاحات کی ضرورت پر زور دیا، پاکستان کے سیلاب سے متاثرہ علاقوں میں ایف اے او کی کوششوں کے بارے میں۔

رول فلورنس نے کہا کہ یہ تنظیم کسانوں کو گندم کی کاشت کے لیے ربیع کے پیکجز، مویشیوں کے لیے ویکسین اور مویشیوں کے لیے چارہ فراہم کر رہی ہے۔