فیفا ورلڈکپ ٹوئٹر افتتاحی میچ کی لائیو کوریج اور کمنڑی فراہم کرے گا

پہلا میچ آج پاکستانی وقت کے مطابق رات 9 بجے قطر اور ایکواڈور کے مابین کھیلا جائے گا (فوٹو: ٹوئٹر)

---

ٹوئٹر کے نئے مالک ایلون مسک نے فیفا ورلڈکپ سے دلچسپی رکھنے والے افراد کو خوشخبری سنادی۔

سماجی رابطے کی سائٹ ٹوئٹر کے مالک ایلون مسک نے فیفا ورلڈکپ کے پہلے میچ کیلئے کوریج اور ریئل ٹائم کمنٹری فراہم کرنے کا اعلان کردیا۔

فٹبال ورلڈکپ کا آغاز آج سے قطر میں ہورہا ہے اور افتتاحی میچ پاکستانی وقت کے مطابق رات 9 بجے قطر اور ایکواڈور کے مابین کھیلا جائے گا۔

دنیا کے مہنگے ترین فیفا ورلڈکپ 2022 میں 32 ٹیمیں حصہ لے رہی ہیں جن کے مابین 64 میچز کھیلے جائیں گے۔

مزید پڑھیں: تاریخ کے مہنگے ترین فیفا ورلڈکپ 2022 کا آغاز آج سے ہوگا

واضح رہے کہ فیفا کی جانب سے جاری اعلامیے میں کہا گیا ہے کہ ایونٹ کی فاتح ٹیم کو 42 ملین ڈالرز کی خطیر رقم دی جائے گی، ایونٹ میں شریک تمام سائیڈز کو پہلے ہی 15 لاکھ ڈالر انعامی رقم میں سے ادا کیے جاچکے ہیں۔

خیال رہے کہ اس مرتبہ فیفا کی جانب سے انعامی رقم بڑھا کر 440 ملین ڈالر کردی گئی جو 2018 میں روس میں کھیلے گئے میگا ایونٹ کے مقابلے میں 40 ملین ڈالر زیادہ ہے۔

First World Cup match on Sunday! Watch on Twitter for best coverage & real-time commentary.

— Elon Musk (@elonmusk) November 18, 2022