اسلام آباد میں زمین کے تنازع پر فائرنگ سابق وفاقی وزیر کا گن میں ہلاک

اسلام آباد ایئرپورٹ کے قریب ہاؤسنگ سوسائٹی میں زمین کے تنازع پر دو گروپوں میں فائرنگ سے سابق وفاقی وزیر کا مسلح گارڈ ہلاک ہوگیا۔

ایکسپریس نیوز کے مطابق وفاقی دارالحکومت اسلام آباد میں انٹرنیشنل ایئرپورٹ کے قریب ہاؤسنگ سوسائٹی میں پلاٹ کے تنازع پر دو گروپوں نے ایک دوسرے پر فائرنگ کردی۔


پولیس ذرائع کا کہنا ہے کہ فائرنگ کے تبالے میں سابق وفاقی وزیر اکرم درانی کا مسلح گارڈ اعجاز خان گولیاں لگنے سے ہلاک ہوگیا۔

پولیس ذرائع کے مطابق دوطرفہ فائرنگ میں ہاؤسنگ سوسائٹی کے تین گن مین بھی زخمی ہوئے ہیں، جنہیں ڈی ایچ کیو اسپتال منتقل کردیا گیا۔

پولیس ذرائع کا کہنا ہے کہ زخمیوں میں ابرار، جاوید اور حسین خان شامل ہیں، پولیس نے واقعہ کی تحقیقات شروع کر دیں۔