ارمینہ خان کے ہاں جلد ننھے مہمان کی آمد متوقع
فلم ’جانان‘ سے شہرت کی بلندیوں پر پہنچنے والی اداکارہ ارمینہ خان نے اپنے دوست فیصل خان سے شادی کی تھی
پاکستان شوبز انڈسٹری کی خوبرو اداکارہ ارمینہ خان کے ہاں جلد ننھے مہمان کی آمد متوقع ہے۔
ارمینہ خان نے انسٹاگرام پر اپنے 'بے بی شاور' کی تصاویر شیئر کرتے ہوئے مداحوں کو یہ خوشخبری سُنائی ہے۔
ارمینہ خان نے اپنی ان تصاویر کے کیپشن میں ماں بننے کے مرحلے کو اپنے لیے زندگی کا سب سے خوبصورت اور بڑا پروجیکٹ قرار دیتے ہوئے خدا کا شکر ادا کیا ہے۔
اداکارہ کی ان تصاویر کو مداحوں کی جانب سے بےحد پسند کیا جارہا ہے اور وہ ان سے کمنٹ باکس میں نیک تمناؤں کا اظہار کر رہے ہیں۔
خیال رہے کہ فلم 'جانان' سے شہرت کی بلندیوں پر پہنچنے والی اداکارہ ارمینہ خان نے اپنے دوست فیصل خان سے شادی کی تھی اور وہ ان کے ساتھ انگلینڈ میں رہتی ہیں۔