اسلام آباد میں ماں اور بیٹے کو چھریوں کے وار کرکے قتل کر دیا گیا

ابتدائی تحقیقات کے مطابق واقعہ ذاتی دشمنی کا شاخسانہ معلوم ہوتا ہے، پولیس۔ فوٹو: فائل

---

جی الیون تھری میں ماں اور بیٹے کو چھریوں کے وار کر کے قتل کر دیا گیا۔

ایکسپریس نیوز کے مطابق پولیس حکام کا کہنا ہے کہ اسلام آباد کے علاقے جی الیون تھری میں تھانہ رمنا کی حدود میں ایک گھر سے 50 سالہ خاتون اور اس کے 25 سالہ بیٹے کی لاشیں ملی ہیں، دونوں ماں بیٹے کو چھریوں کے وار کر کے قتل کیا گیا جب کہ لاشوں کو پمز اسپتال منتقل کردیا گیا،پولیس کا کہنا ہے کہ ابتدائی تحقیقات کے مطابق واقعہ ذاتی دشمنی کا شاخسانہ معلوم ہوتا ہے تاہم واقعے کی مکمل تحقیقات کے بعد ہی اصل وجوہات کا تعین کیا جاسکتا ہے۔

دوسری جانب مقتولین کے لواحقین نے لاشوں کا پوسٹ مارٹم نہ ہونے پر پمز اسپتال کی انتظامیہ کے خلاف احتجاج کیا۔ لواحقین کا کہنا تھا اسپتال انتظامیہ جان بوجھ کر لاشوں کا پوسٹ مارٹم کرنے میں دیر کرہی ہے۔