فیفا ورلڈ کپ پاک بحریہ کی قطر کو سمندری سیکیورٹی کی فراہمی

پاک بحریہ کا جہاز پی این ایس تبوک قطر کی بندرگاہ پہنچ گیا

---

پی این ایس تبوک فیفا ورلڈ کپ 2022 کے دوران قطر حکومت کو میری ٹائم سیکیورٹی میں معاونت فراہم کریگا۔

ترجمان پاک بحریہ کے مطابق پاک بحریہ کا جہاز پی این ایس تبوک قطر کی بندرگاہ پہنچ گیا۔ قطر کی بندرگاہ آمد پر پاکستانی سفارتی حکام اور میزبان بحریہ کے اعلی افسران نے جہاز کا استقبال کیا۔

جہاز کے کمانڈنگ آفیسر نے میزبان بحریہ کے اعلی حکام سے ملاقاتوں کے دوران فیفا ورلڈ کپ 2022 کی میری ٹائم سیکیورٹی پر تبادلہ خیال کیا۔

یہ بھی پڑھیں: فیفا ورلڈ کپ کی سیکیورٹی کیلئے قطر اور پاک فوج میں معاہدے کی منظوری

پی این ایس تبوک کی انٹرنیشنل میگا ایونٹ فیفا ورلڈ کپ 2022 کے دوران میری ٹائم سیکیورٹی میں معاونت پاک بحریہ کی پیشہ ورانہ صلاحیتوں پر اعتماد کا اظہار ہے۔

فیفا ورلڈکپ کے دوران میری ٹائم سیکیورٹی فراھم کرنے کے لئے پاک بحریہ کا جہاز پی این ایس تبوک قطر کی بندرگاہ پر موجود pic.twitter.com/qDr6hQi7MI

— Naveed Akbar (@naveedakbarch) November 22, 2022