شکست بہت بھاری دھچکا تھا میسی کا بیان سامنے آگیا

گزشتہ روز سعودی عرب نے ارجنٹینا کو 1-2 سے شکست دی تھی

ویب ڈیسک November 23, 2022

گزشتہ روز سعودی عرب نے ارجنٹینا کو 1-2 سے شکست دی تھی (فوٹو: ٹوئٹر)

سعودی عرب کے ہاتھوں شکست ارجنٹائن کو شکست کے بعد لیونل میسی کا پہلا بیان سامنے آگیا۔

لوسیل اسٹیڈیم میں کھیلے گئے میچ میں سعودی عرب نے فیفا ورلڈکپ 2022 کے گروپ میچ میں ارجنٹینا کو 2 کے مقابلے ایک گول سے شسکت دیکر تاریخ رقم کردی تھی، میچ میں شکست کے بعد ارجنٹائن کے کپتان لیونل میسی نے کہا کہ شکست "بہت بھاری دھچکا" تھا لیکن ہمیں خود پر اعتماد برقرار رکھنا چاہیے۔

میسی نے کہا کہ گروپ میں ابھی پہلا میچ ہوا ہے میکسیکو اور پولینڈ کے خلاف جیت حاصل کرنے کی کوشش کریں گے۔

مزید پڑھیں: گول مشین لیونل میسی نے میرا ڈونا کو پیچھے چھوڑ دیا

سعودی عرب کے خلاف میچ کے دوران میسی نے 9 ویں منٹ میں گول اسکور کیا تھا اور ٹیم کو سبقت دلائی تھی تاہم دوسرے ہاف میں عرب ٹیم نے جارحانہ کھیل پیش کیا اور 48 اور 53ویں منٹ گول اسکور کرکے سبقت ختم کردی تھی جو میچ کے اختتام تک برقرار رہی۔

دوسری جانب ارجنٹینا کے پاس آخری موقع ہوگا کہ وہ ہفتہ کو میکسیکو جبکہ اگلے بدھ کو پولینڈ کے خلاف کامیابی سمیٹیں شکست کی صورت میں ارجنٹائن ورلڈکپ سے باہر ہوسکتا ہے۔