فیفا ورلڈکپ مہسا امینی والی شرٹ پہننے پر ایرانی خواتین کو اسٹیڈیم سے نکال دیا گیا

دونوں خواتین کی شرٹس اور پرچم پر آزادی سے متعلق نعرے درج تھے (فوٹو: ایکسپریس ویب)

---

قطر میں فیفا ورلڈکپ کے دوران ایران کی دو خواتین کو اسٹیڈیم میں داخلے سے روک دیا گیا۔

غیر ملکی خبررساں ایجنسی کی رپورٹ کے مطابق گزشتپ روز ایران اور ویلز کے درمیان میچ کے آغاز سے قبل سیکورٹی اسٹاف نے ایک خاتون مہسا امینی کی شرٹ اور پرچم پر "سیاسی، جارحانہ، یا امتیازی پیغامات" کے باعث اسٹیڈیم میں داخلے سے روک دیا تھا۔

اسی طرح اسٹیڈیم میں موجود ایک خاتون اور مرد کو مہسا امینی کی شرٹ لانے اور پرچم پر خواتین کی آزادی کے نعرے درج ہونے پر اسٹیڈیم سے نکال دیا گیا۔

مزید پڑھیں: فیفا ورلڈکپ؛ قطر میں شائقین مختصر لباس نہیں پہن سکیں گے

میچ سے قبل اسٹیڈیم کے اندر ایک خاتون جس کی آنکھوں سے گہرے سرخ آنسو نکلے ہوئے تھے، فٹ بال کی جرسی کو اونچا تھامے ہوئے تھی جس کی پشت پر مہسا امینی کا نام درج تھا جبکہ مرد نے ایران کا جھنڈا تھام رکھا تھا جس پر امتیازی پیغامات لکھے تھے۔

مہسا امینی کی دو ماہ کی پولیس حراست میں موت ہوئی تھی، جس کے بعد سے ملک بھر میں مظاہرے پھوٹ پڑے تھے۔

قبل ازیں قطر نے اسٹیڈیم میں شائقین کو مختصر لباس یعنی (کندھوں کو کُھلا رکھنے یا گھٹنے سے اوپر) کپڑے پہن کر میچ دیکھنے پابندی عائد کررکھی ہے۔

قطر ورلڈ کپ میچ دیکھنے آئی خاتون کو سٹیڈیم میں داخلے سے روک دیا گیا کیونکہ اس کی قمیض پر ایران میں ہلاک ہونے والی مہسا امینی کی تصویر کے ساتھ 'عورت، زندگی، آزادی' کے الفاظ لکھے تھے۔ خبر رساں ادارے رائٹرز کے مطابق اس خاتون کو قمیض تبدیل کرنے کے بعد میچ میں داخلے کی اجازت مل گئی۔ pic.twitter.com/vBRcaKxFZ8

— VOA Urdu (@voaurdu) November 25, 2022