فیفا ورلڈکپ برازیلین ٹیم کو بڑا دھچکا لگ گیا

کپتان نیمار اور بیک ڈینیلو سوئٹرزلینڈ کے خلاف میچ نہیں کھیل سکیں گے، ڈاکٹرز

ویب ڈیسک November 26, 2022

کپتان نیمار اور بیک ڈینیلو سوئٹرزلینڈ کے خلاف میچ نہیں کھیل سکیں گے، ڈاکٹرز (فوٹو: ٹوئٹر)

فیفا ورلڈکپ میں برازیل کی ٹیم کو بڑا دھچکا لگ گیا، اسٹار فٹبالر اور کپتان نیمار انجری کے باعث سوئٹزرلینڈ کے خلاف میچ میں حصہ نہیں لے سکیں گے۔

میڈیا رپورٹس کے مطابق برازیلین ٹیم کے ڈاکٹر کا کہنا ہے کہ سربیا کے خلاف میچ کے دوران نیمار جونیئر کے ٹخنے میں انجری ہوئی تھی اور سوجن آگئی تھی جس کی تکلیف کے سبب وہ سوئٹزرلینڈ کے خلاف میچ میں دستیاب نہیں ہوں گے۔

ڈاکٹرز نے مزید کہا کہ بیک ڈینیلو اور نیمار دونوں کھلاڑی سوئس ٹیم کے خلاف میچ کھیلنے سے محروم رہیں گے البتہ باقی مقابلوں کے لیے وقت پر صحت یاب ہونے کے مقصد سے علاج جاری رکھےہوئے ہیں۔

مزید پڑھیں: فیفا ورلڈکپ؛ کیا نیمار پھر انجری کا شکار ہوگئے؟

قبل ازیں برازیل نے اپنے پہلے میچ میں سربیا کو 0-2 سے شکست دیکر ٹورنامنٹ کا آغاز جیت کے ساتھ کیا تھا۔