فلم ’ضرار‘ کا رنگارنگ پریمیئر شو شوبز ستاروں کی بھرپور شرکت

اداکار شان شاہد نے فلم میں آئی ایس آئی کے ایک جاسوس کا کردار ادا کیا ہے، فوٹو: انسٹاگرام

---

شان شاہد کی نئی فلم 'ضرار' کا رنگارنگ پریمیئر شو منعقد ہوا جس میں پاکستان فلم انڈسٹری کے نامور ستاروں نے شرکت کی۔

لاہور کے مقامی سینما میں فلم " ضرار" کا پریمیئر سجا تو ندیم، شان، لیلی ، میرا، جان ریمبو، صاحبہ، شیخ عابدرشید، شفقت چیمہ، ریشم،غلام محی الدین، نیئر اعجاز سمیت شوبز سٹارز اور شائقین کا تانتا بندھ گیا۔



اپنے پسندیدہ فنکاروں کو دیکھ کر شائقین کی خوشی کا کوئی ٹھکانہ نہ رہا، بڑی تعدادنے اداکاروں کے ساتھ سیلفیاں اور تصاویر بھی بنائیں۔ بعد ازاں اداکاروں نے اپنے پرستاروں کے ساتھ سینما میں بیٹھ کرفلم بھی دیکھی۔

اس موقع پر اداکاروں کا کہنا تھا کہ 'ضرار' کی کامیابی سے پاکستان فلم انڈسٹری کو مزید بحال کرنے میں مدد ملے گی، خوشی ہے کہ ایسی فلم بنی ہے جو وطن سے محبت کا جذبہ پیدا کرتی ہے۔

واضح رہے کہ فلم کی کاسٹ میں شان، کرن ملک، ندیم بیگ، نیئر اعجاز، راشد محمود، شفقت چیمہ اور عدنان بٹ و دیگر شامل ہیں۔