اعظم سواتی کیس ججز سے پوچھتا ہوں انصاف کدھر ہے عمران خان

کیا ملک میں صرف طاقتور حکام کی عزت ہی محفوظ ہے، عمران خان کا سپریم کورٹ سے سوال

---

چیئرمین پاکستان تحریک انصاف عمران خان نے کہا ہے کہ اعظم سواتی کیس میں ججز سے پوچھتا ہوں انصاف کدھر ہے۔

عمران خان نے ٹوئٹ کیا کہ دستور کا آرٹیکل 14 "شرفِ انسانی کو قابلِ حرمت" قرار دیتا ہے؛ چنانچہ سپریم کورٹ کے معزز ججز سے میرا سوال ہے کہ آیا دستور کے اس آرٹیکل کا اطلاق محض ریاست کے طاقتور حکام تک ہی محدود ہے کیونکہ باقی سب کیلئے تو شرفِ انسانی جیسے بنیادی حق کو بھی تحفظ حاصل نہیں؟،

انہوں نے کہا کہ سینیٹر اعظم سواتی کو برہنہ کیا گیا،انہیں تشدد کا نشانہ بنایا گیا اور انکی اہلیہ کو ایک نازیبا(غیرقانونی)ویڈیو بھجوا کر انکی تذلیل کی گئی۔ہفتوں تک وہ سپریم کورٹ سےحصولِ انصاف کےمنتظر رہےمگر انکی کوششیں بےسود ثابت ہوئیں۔

عمران خان کا کہنا تھا کہ جب قابلِ فہم غصےاور مایوسی کےعالم میں وہ (ان زیادتیوں پر) ردِعمل کا اظہار کرتےہیں تو انہیں جیل میں ڈال دیا جاتا ہےاور ملک بھر میں ان کیخلاف کم و بیش 15 پرچےکاٹ دیےجاتےہیں۔اپنےمعزز ججز سےمیں پھر سےپوچھتا ہوں کہ اس سب میں انصاف کدھر ہے؟ کیا دستور کا آرٹیکل 14 امتیازی طور پر محض اعلیٰ و طاقتور ریاستی حکام کیلئے ہی قابلِ اطلاق رہے گا؟

Article 14 of our Constitution refers to "Inviolability of dignity of man"; so my question to our Honourable SC Judges is whether this provision is only applicable to the powerful of the State & for everyone else there is no protection of their basic human dignity?

— Imran Khan (@ImranKhanPTI) November 28, 2022