سندھ میں ڈاکٹروں کی تنخواہوں میں اضافے کا نوٹی فکیشن جاری
پوسٹ گریجویٹ ڈاکٹرز کی تنخواہ 75 ہزار سے بڑھا کر 1 لاکھ 4 ہزار 309 روپے کردی گئی،نوٹی فکیشن
سندھ میں ڈاکٹروں کی تنخواہوں میں اضافے کا نوٹی فکیشن جاری کردیا گیا ہے۔
محکمہ صحت سندھ کی سفارش پر محکمہ فائنانس سندھ نے تنخواہوں میں اضافے کا نوٹیفکیشن جاری کردیا۔
نوٹیفیکیشن کے مطابق پوسٹ گریجویٹ ڈاکٹرز کی تنخواہ 75 ہزار سے بڑھا کر 1 لاکھ 4 ہزار 309 روپے کردی گئی جبکہ ہاؤس آفیسرز کی تنخواہ 45 ہزار سے بڑھا کر 69 ہزار کردی گئی ہے۔