پنجاب اسمبلی تحلیل معاملہ لیگی اراکین کو فوری طور پر لاہور پہنچنے کی ہدایت

اراکین کو پارٹی سے مکمل رابطے میں رہنے کی ہدایت کی گئی ہے (فوٹو فائل)

---

مسلم لیگ ن نے پنجاب اسمبلی کی تحلیل کے معاملے پر اپنے اراکین اسمبلی کو فوری طور پر لاہور پہنچنے کی ہدایت کردی ہے۔

مزید پڑھیں: ن لیگ کا پنجاب اسمبلی کی ممکنہ تحلیل روکنے کیلیے آخری حد تک جانے کا اعلان

پارٹی ذرائع کے مطابق پاکستان تحریک انصاف کی جانب سے پنجاب اسمبلی کی ممکنہ تحلیل کے معاملے پر ن لیگ سمیت پی ڈی ایم کی اتحادی جماعتیں صوبائی اسمبلی کی تحلیل روکنے کے لیے سرگرم ہوگئی ہیں۔ اسی سلسلے میں ن لیگ نے اپنے تمام اراکین پنجاب اسمبلی کو فوری طور پر لاہور پہنچنے کی ہدایت کردی۔

یہ خبر بھی پڑھیں: وزیراعظم پنجاب اور کے پی اسمبلی کو تحلیل ہونے سے بچانے کیلیےمتحرک ہوگئے

ذرائع کا کہنا ہے کہ لیگی اراکین کو پارٹی سے مکمل رابطے میں رہنے کی ہدایت کے ساتھ کہا گیا ہے کہ تمام اراکین پنجاب اسمبلی تاحکم ثانی صوبائی دارالحکومت ہی میں قیام کریں۔پارٹی کی اعلیٰ قیادت نے دیگر عہدے داروں کو اتحادی جماعتوں کے اراکین سے بھی رابطے میں رہنے کی ہدایت کی ہے۔

یہ بھی پڑھیں: عمران خان اسمبلیاں تحلیل کرنے سے متعلق اعلان آئندہ ہفتے کریں گے

پارٹی قیادت نے متحدہ اپوزیشن سے تعلق رکھنے والے آزاد اراکین پنجاب اسمبلی کو بھی لاہور پہنچنے کی درخواست کر دی۔ اس سلسلے میں مزید کہا گیا ہے کہ ضرورت پڑی تو تمام اراکین کو کسی ایک ہوٹل میں اکٹھا رہنے کی ہدایت بھی کی جا سکتی ہے۔