ناصر حسین نے راولپنڈی اسٹیڈیم کی پچ کو ’’سڑک‘‘ قرار دے دیا

شائقین رمیز راجہ کو ٹیسٹ کرکٹ تباہ کرنے کے طعنے دینے لگے

Sports Reporter December 02, 2022

شائقین رمیز راجہ کو ٹیسٹ کرکٹ تباہ کرنے کے طعنے دینے لگے ۔ فوٹو : فائل

سابق انگلش کپتان ناصر حسین نے راولپنڈی اسٹیڈیم کی پچ کو سڑک قرار دے دیا۔

سوشل میڈیا پر شائقین چیئرمین پی سی بی رمیز راجہ کو ٹیسٹ کرکٹ تباہ کرنے کے طعنے دینے لگے،یاد رہے کہ آسٹریلیا کیخلاف سیریز میں بھی راولپنڈی ٹیسٹ کی پچ کو آسٹریلوی میڈیا نے سڑک قرار دیتے ہوئے روڈ سائنز والی تصویر وائرل کردی تھی۔

اس بار بھی ایسی ہی صورتحال نظر آرہی ہے،سوشل میڈیا پر صارفین تنقید کرتے رہے، ایک کا کہنا تھا کہ رمیز راجہ کی سرپرستی میں ڈیڈ پچز بناکر ٹیسٹ کرکٹ تباہ کی جارہی ہے،شائقین پہلے ہی اس فارمیٹ سے بے زار ہیں۔

مزید پڑھیں: پاکستانی کوچ خود ہی ڈیڈ پچ کا شکوہ کرنے لگے

اس سے قبل پاکستانی ہیڈ کوچ ثقلین مشتاق بھی ڈیڈ پچ کا شکوہ کرتے نظر آئے، انہوں نے کہا کہ انگلینڈ کی ٹیم بہت اچھا کھیلی، بولرز نے پلان کے مطابق گیندیں نہیں کیں، پچ میں بھی ان کیلیے کوئی مدد نہیں تھی۔