مغربی کنارے میں اسرائیلی قبضوں کی امریکی مخالفت
جوبائیڈن انتظامیہ فلسطینی ریاست کے قیام کیلیے ’امید‘ کو برقرار رکھنے کیلیے انتھک محنت کرے گی، وزیر خارجہ انٹونی بلنکن
امریکی وزیر خارجہ انٹونی بلنکن نے فلسطین کے مغربی کنارے میں اسرائیلی قبضوں کی مخالفت کرتے ہوئے کہا ہے وزیر اعظم بنجمن نیتن یاہو کی آنے والی حکومت سے متعلق فیصلے شخصیات پسندی پر مبنی نہیں بلکہ اٹھائے جانے والے اقدامات کی بنیاد پر کیے جائیں گے۔
امریکی تھنک ٹینک سے خطاب کرتے ہوئے انہوں نے کہا کہ ہم انفرادی شخصیات کے بجائے حکومتی پالیسیوں سے اندازہ لگائیں گے۔ انہوں نے مزید کہا کہ امریکی صدر جو بائیڈن کی انتظامیہ فلسطینی ریاست کے قیام کے لیے "امید کے افق" کو برقرار رکھنے کے لیے "انتھک محنت" کرے گی۔
انہوں نے کہا کہ ہم دو ریاستی حل کے امکانات کو نقصان پہنچانے والی کسی بھی کارروائی کی بھی غیر واضح طور پر مخالفت کرتے رہیں گے جس میں آبادکاری کی توسیع، مغربی کنارے کے الحاق کی طرف بڑھنا، مقدس مقامات کی تاریخی حیثیت میں خلل، مسماری اور بے دخلی سمیت تشدد پر اکسانا بھی شامل ہے۔
امریکی عہدیدار نے کہا کہ جوبائیڈن انتظامیہ 'بنیادی جمہوری اصولوں پر اصرار کرے گی، بشمول ہم جنس پرست لوگوں کے حقوق کا احترام'۔