فیصل آباد 17 سالہ گھریلو ملازمہ تشدد کے بعد قتل 3ملزمان گرفتار
وزیر اعلیٰ پنجاب نے واقعہ کا نوٹس لیتے ہوئے انسپکٹر جنرل پولیس سے رپورٹ طلب کرلی
تھانہ ملت ٹاون کے علاقے میں امیر زادوں کی جانب سے 17 سالہ گھریلو ملازمہ کو قتل کرنے کے الزام میں 3 افراد کو گرفتار کرلیا گیا۔
پولیس نے مالک سمیت 6 ملزمان کے خلاف مقدمہ درج کرکے 3 افراد کو گرفتار کیا ہے۔
وزیر اعلیٰ پنجاب چوہدری پرویزالہٰی نے فیصل آباد میں تشدد کے بعد گھریلو ملازمہ کے قتل کے واقعہ کا نوٹس لیتے ہوئے انسپکٹر جنرل پولیس سے رپورٹ طلب کر لی۔
وزیراعلیٰ نے ہدایت کی کہ گرفتار ملزمان کے خلاف سخت قانونی کارروائی کی جائے۔
چوہدری پرویز الہٰی نے کہا کہ مقتولہ کے لواحقین کو انصاف کی فراہمی ہر صورت یقینی بنائیں گے، ملزمان قانون کے مطابق سخت سزا کے حقدار ہیں، ایسا واقعہ ناقابل برداشت ہے، ملزمان قرار واقعی سزا سے نہیں بچ پائیں گے۔