آئی سی سی رینکنگ ون ڈے میں بابراعظم کی بادشاہت برقرار
ٹیسٹ فارمیٹ میں بابراعظم کا تیسرا نمبر، شاہین آفریدی دونوں فارمیٹ میں بطور بولر پانچویں نمبر پر رہے (فوٹو: ٹوئٹر)
آئی سی سی کی جانب سے جاری ون ڈے رینکنگ کے مطابق بابراعظم پہلے جبکہ امام الحق دوسرے نمبر پر ہیں جبکہ جنوبی افریقا کے وین ڈر ڈوسن تیسرے، ڈی کوک چوتھے اور وارنر پانچویں نمبر پر ہیں۔
ون ڈے فارمیٹ میں اگر بالنگ کی بات کی جائے تو ٹرینٹ بولڈ بدستور پہلے نمبر پرقابض ہیں جبکہ جوش ہیزل ووڈ دوسرے اور مچل اسٹارک تیسرے نمبر پر ہیں جبکہ شاہین شاہ آفریدی پانچویں نمبر پر ہیں۔
ٹیسٹ رینکنگ
آئی سی سی کی جانب سے جاری ہونے والی ٹیسٹ رینکنگ میں آسٹریلیا کے مارنس لبوشین نے دوبارہ پہلی پوزیشن حاصل کرلی جبکہ اسٹیو اسمتھ دوسرے، قومی ٹیم کے کپتان بابر اعظم تیسرے، جوئے روٹ چوتھے اور رشبھ پینٹ پانچویں نمبر پر ہیں۔
ٹیسٹ فارمیٹ میں اگربالنگ کی بات کی جائے تو رینکنگ کے اعتبار سے آسٹریلیا کے پیٹ کمنز پہلے، بھارت کے روی چندرن ایوشن، دوسرے، انگلش بولر جیمز اینڈریشن تیسرے، بھارت کے جسپرت بھمرا چوتھے اور شاہین شاہ آفریدی پانچویں نمبر پر ہیں۔