اجے دیوگن کو ایک فلم کا معاوضہ 120 کروڑ بھارتی روپے تک دیا گیا

'سنگھم' فلم کے اداکار کے مالی اثاثوں کی کل قیمت 244 سے 447 بھارتی کروڑ روپے ہے

ویب ڈیسک December 08, 2022

اجے دیوگن نے ممبئی کے مہنگے ترین علاقے جوہو میں 60 کروڑ روپے کا بنگلا خریدا (فوٹو: فائل)

بالی وڈ اسٹار اجے دیوگن کی متعدد فلموں نے باکس آفس پر دھماکے دار بزنس کیا ہے اور ان کی فلموں کا معاوضہ سن کر آپ حیران رہ جائیں گے۔

اجے دیوگن کا شمار انڈسٹری کے امیر ترین اداکاروں میں بھی کیا جاتا ہے، ان کے پاس پرائیویٹ جیٹ اور کئی مہنگی گاڑیاں ہیں۔

بھارتی میڈیا کی رپورٹ کے مطابق اجے دیوگن ایک فلم کے 60 سے 120 کروڑ بھارتی روپے لیتے ہیں۔

اداکار کے پاس مہنگی پرتعیش گاڑیاں موجود ہیں جن میں ایس یو وی- رولس رائس ہے جس کی مالیت تقریباً 7 کروڑ بھارتی روپے ہے جبکہ دیگر گاڑیوں میں آڈی اے 5 اسپورٹ بیک، رینج روور ووگ، مرسڈیز ایس کلاس، آڈی کیو 7 موجود ہیں۔

اس کے علاوہ ایک پرائیوٹ طیارہ بھی ہے جس کی مالیت تقریباً 84 کروڑ ہے۔

رپورٹس کے مطابق بالی وڈ 'سنگھم' فلم کے اداکار کے مالی اثاثوں کی کُل قیمت 244 سے 447 بھارتی کروڑ روپےہے۔