حافظ آباد کے قریب مسافر بس اور ٹرالر میں تصادم سے 6 افراد جاں بحق 14 زخمی

حادثے میں جاں بحق اور زخمی ہونے والوں کو ڈی ایچ کیو اسپتال حافظ آباد منتقل کیا گیا۔ فوٹو؛ فائل

---

مدہریاں والا بائے پاس کے قریب مسافر بس اور ٹرالر میں تصادم سے 6 افراد جاں بحق اور 14 زخمی ہو گئے۔

ایکسپریس نیوز کے مطابق جلال پور بھٹیاں سے حافظ آباد آنے والی تیز رفتار مسافر بس مدہریاں والا بائی پاس کے قریب کھڑے ٹرالر سے ٹکرا گئی جس کے نتیجے میں 4 افراد جاں موقع پر ہی بحق اور 16 زخمی ہو گئے۔ امدادی ٹیموں کے اہلکاروں نے حادثے میں جاں بحق اور زخمی ہونے والوں کو ڈسٹرکٹ ہیڈ کوارٹر اسپتال حافظ آباد منتقل کیا جہاں 2 مزید افراد زخموں کی تاب نہ لاتے ہوئے جاں بحق ہو گئے۔

اسپتال ذرائع کا کہنا ہے کہ متعدد زخمیوں کی حالت تشویشناک ہونے کے باعث ہلاکتوں میں اضافے کا خدشہ ہے جب کہ جانب ڈی ایچ کیو اسپتال میں ایمر جنسی نافذ کر دی گئی ہے۔