شیخوپورہ میں مسلح ڈاکوؤں نے وکیل سے 2 کروڑ روپے چھین لیے
متاثرہ شہری بینک سے رقم نکلوا کر ڈی ایچ اے لاہور جارہا تھا، پولیس
شیخوپورہ میں چار مسلح کار سوار پر نامور وکیل سے دو کروڑ روپے چھین پر فرار ہوگئے۔
ایکسپریس نیوز کے مطابق کروڑوں روپے کی ڈکیتی کی واردات پنجاب کے شہر شیخوپورہ کے دوساکو چوک پر رونما ہوئی۔
مسلح ڈاکو پرائیویٹ کالونیوں کے ڈویلپر بیرسٹر چوہدری ازائر احمد اور ان کے کزن سعد ظفر سے 2 کروڑ روپے لوٹ کر فرار ہوگئے۔
بیرسٹر چوہدری ازائر اپنے رشتے دار کے ہمراہ کوٹ عبدالمالک میں ایک نجی بینک کی برانچ سے خطیر رقم نکلوا کر ڈی ایچ اے لاہور کی جانب جارہے تھے۔