وزیراعظم نے سکھر حیدرآباد موٹروے کا سنگِ بنیاد رکھ دیا

وزیراعظم سکھر میں وزیراعلیٰ سندھ کے ہمراہ موٹروے کا سنگ بنیاد رکھتے ہوئے۔ فوٹو : پرائم منسٹر آفس/ٹویٹر

---

وزیرِ اعظم محمد شہباز شریف نے 306 کلومیٹر طویل سکھر حیدر آباد موٹروے ایم 6 کا سنگِ بنیاد رکھ دیا۔

سکھر حیدر آباد موٹروے پشاور کراچی موٹروے پی کے ایم کا آخری حصہ ہے جس کے بعد پاکستان کے تمام بڑے اور اہم شہر موٹرویز سے منسلک ہوجائیں گے۔

مذکورہ منصوبہ پبلک پرائیویٹ پارٹنر شپ کے تحت 30 ماہ کی قلیل مدت میں مکمل کر لیا جائے گا۔

Prime Minister Muhammad Shehbaz Sharif unveils the plaque of Groundbreaking of Sukkur-Hyderabad Motorway M-6 ( Sukkur 13 December, 2022) pic.twitter.com/Age8Ws6lOs

— Prime Minister's Office (@PakPMO) December 13, 2022

ترجمان این ایچ اے کے مطابق منصوبے پر 307ارب روپے سے زائد لاگت آئے گی جس پر 15 انٹر چینج، دریائے سندھ پر ایک بڑا پُل، 19 انڈر پاس اور 6 فلائی اوورز تعمیر کیے جائیں گے۔

موٹروے کے دونوں اطراف 50 کلومیٹر کے فاصلے پر 10 سروس ایریاز تعمیر ہوں گے، یہ موٹر وے جام شورو، حیدرآباد، مٹیاری، بے نظیر آباد، نوشہرو فیروز، خیر پور اور سکھر کے اضلاع سے گزرے گی۔