طلاق کے بعد سائرہ اور شہروز سبزواری کی نئی فلم کا پوسٹر جاری

فلم اگلے برس ویلنٹائن کے موقع پر سنیماگھروں کی زینت بنے گی(فائل فوٹو)

---

چند برس قبل ایک دوسرے سے راہیں جُدا کرنے والی شوبز پاکستان کی مشہور جوڑی سائرہ اور شہروز سبزواری کی فلم کا پوسٹر جاری کر دیا گیا۔

اداکارہ و ماڈل سائرہ یوسف اور شہروز سبزواری کی رومانوی فلم 'بےبی لیشیس' babylicious کی پہلی جھلک منظرِ عام پر آگئی۔

سائرہ یوسٹ نے اپنے آفیشل انسٹاگرام اکاؤنٹ پر فلم کا پوسٹر شیئر کرتے ہوئے مداحوں کو آگاہ کیا کہ ان کی فلم اگلے برس ویلنٹائن کے موقع پر سنیما گھروں کی زینت بنے گی۔

View this post on Instagram

A post shared by Shahroz Sabzwari (@shahrozsabzwari)

اس فل کی پروڈکشن اور عکسبندی کا آغاز کووِڈ سے قبل ہو گیا تھا تاہم اسی دوران سائرہ اور شہروز نے طلاق کا فیصلہ لیتے ہوئے راہیں جدا کر لی تھیں، فلم کی ریلیز انہیں وجوہات کی بنا پر تاخیر کا شکار رہی۔

سائرہ اور شہروز کی فلم کیلئے مداح بےصبری سے انتظار کر رہے ہیں تاہم مداحوں کا کہنا ہے کہ اس ٹوٹی ہوئی جوڑی کی رومانوی فلم دیکھ کر خوشی سے زیادہ تکلیف ہوگی۔